RAMBO
عضو نشيط
المساهمات : 113
تاريخ التسجيل : 19/03/2008
العمر : 36
 | موضوع: فظيع وفظيعة فى المطعم شوفوا اية اللى حصل ؟؟؟  السبت مارس 22, 2008 2:16 pm | |
| في يــوم من الأيــام
قرر "فظيــع" إنه يعزم "فظيـعة" على الغدا في مطعم من المطاعم الفظيعة
- فيها حاجة دي –
لكن الستات الفظيعة دول ما بيعجبهمش حاجة
شوفوا الحوار وأحكموا بنفسكوا
"فظيــع": تطلبي إيه؟
"فظيــعه": مش عارفة إنت هاتطلب إيه؟
"فظيــع" : أنا هاطلب بيتزا
"فظيــعه": ماشي ، وأنا كمان
"فظيــع": طيب
"فظيــعه": ولا أقولك ، بلاش
"فظيــع": ليه عاوزه حاجة تانية
"فظيــعه": لأ ، مش عارفه
"فظيــع": انتي جعانة
"فظيــعه": إممم ، مش عارفه
"فظيــع": يعني إيه مش عارفة ، أكيد الواحد بيعرف هو جعان ولا لأ
"فظيــعه": نص نص
"فظيــع": يعني أطلبلك معايا
"فظيــعه": لأ
"فظيــع": خلاص
"فظيــعه": ولا أقولك ، يمكن أجوع كمان شوية
"فظيــع": خلاص هاطلبلك وعقبال ما يجي الأكل تكوني جوعتي
"فظيــعه": طيب أفرض لما يجي الأكل أكون لسه ما جوعتش!
"فظيــع": خلاص ، خلي الأكل قدامك ولما تجوعي إبقي كلي
"فظيــعه": ما كده الأكل هايبرد
"فظيــع": خلاص نطلب أكل تاني
"فظيــعه": بس كده يبقى تبذير
"فظيــع": نبقى نأخد الاكل البارد معانا تيك أواي ونبقى نأكله بعدين
"فظيــعه": طيب إفرض ما كان ليش نفس للبيتزا بعدين
"فظيــع": خلاص أكلها أنا
"فظيــعه": وأنا ما أكلش
"فظيــع": جننتيني ، يعني اطلبلك ولا بلاش
"فظيــعه": بلاش احسن
"فظيــع": خلاص أنا هاطلب لنفسي علشان انا جعت جدا
"فظيــعه": ماشي
(لسه "فظيـع" الغلبان هايطلب البيتزا)
"فظيــعه": بس أطلب بيتزا بالتونة
"فظيــع": بس أنا مابحبش البيتزا بالتونة
"فظيــعه": بس أنا بحبها
"فظيــع": بس أنا إللى هاكلها
"فظيــعه": ما يكمن على ما يجي الأكل أكون جعت وأكل معاك
"فظيــع": هو أنتي عاوز تأكلي ولا لأ
"فظيــعه": إحتمال
"فظيــع": يعني أنا لازم أطلب بيتزا بالتونة علشان إنتي (إحتمال) تأكلي معايا
"فظيــعه": أيوه بالظبط
"فظيــع": طيب لو أنتي جوعتي وأكلتي البيتزا بتاعتي أنا هاكل إيه؟
"فظيــعه": ما انا ممكن ما أكلش أصلا معاك
"فظيــع": رحمتك يا رب
"فظيــعه": مالك فيه إيه ؟؟
"فظيــع": يعني دلوقتي لو أنتي ما أكلتيش ، أنا هاكل بيتزا مش بحبها
"فظيــعه": يعني أنت تاكل و أنا ما أكلش؟!
"فظيــع": !!!!!!!!!!!! !!!!!!!!.
.
.
.
---
قررت محكمة الجنايات الفظيعة الإفراج عن "فظيع" المتهم بتهمة
"قتل "فظيعة" مع سبق الإصرار والترصد"
وإعتبار القضية
"دفاع فظيع عن النفس | |
|
TheUpcoming_Star
admin
المساهمات : 105
تاريخ التسجيل : 17/03/2008
| |
أمـــ الأحزان ــير
عضو مبتدئ
المساهمات : 82
تاريخ التسجيل : 18/03/2008
العمر : 36
| | موضوع: رد: فظيع وفظيعة فى المطعم شوفوا اية اللى حصل ؟؟؟ الأحد مارس 23, 2008 12:59 am | |
| ثانكس يا فظيع افندي هههه
ميرسي يا علاء | |
|
RAMBO
عضو نشيط
المساهمات : 113
تاريخ التسجيل : 19/03/2008
العمر : 36
| | موضوع: رد: فظيع وفظيعة فى المطعم شوفوا اية اللى حصل ؟؟؟ الأحد مارس 23, 2008 1:09 am | |
| شكرا على مروركم
يا فظيع انت وهو | |
|
ميدو السعدنى
عضو مبتدئ
المساهمات : 62
تاريخ التسجيل : 19/03/2008
| | موضوع: رد: فظيع وفظيعة فى المطعم شوفوا اية اللى حصل ؟؟؟ الثلاثاء مارس 25, 2008 10:49 pm | |
| ده ايه يا ابنى الفظاعه دى nice بس علي فكره نايس ده بسكوت | |
|
elmlake2010
عضو مبتدئ
المساهمات : 22
تاريخ التسجيل : 25/03/2008
| | موضوع: رد: فظيع وفظيعة فى المطعم شوفوا اية اللى حصل ؟؟؟ الثلاثاء مارس 25, 2008 11:07 pm | |
| - ميدو السعدنى كتب:
ده ايه يا ابنى الفظاعه دى nice بس علي فكره نايس ده بسكوت | |
|
